డ్రంక్ అండ్ డ్రైవ్‌లో పట్టుబడిన ఆటో డ్రైవర్ ఆత్మహత్య

హైదరాబాద్ నగరంలోని మల్కాజిగిరి పీఎస్ పరిధిలో మీన్‌రెడ్డి అనే ఆటో డ్రైవర్ మంగళవారం సాయంత్రం డ్రంక్ అండ్ డ్రైవ్‌లో పోలీసులకు చిక్కాడు. పరీక్షలో రీడింగ్ 120 రావడంతో అతనిపై కేసు నమోదు చేసి ఆటోను స్వాధీనం చేసుకున్నారు. అర్ధరాత్రి కుషాయిగూడ ట్రాఫిక్ పోలీస్ స్టేషన్ వద్ద మీన్‌రెడ్డి పెట్రోల్ పోసుకుని నిప్పంటించుకున్నాడు. స్థానికులు, పోలీసులు మంటలు ఆర్పేందుకు యత్నించారు. అనంతరం ఆస్పత్రికి తరలిస్తుండగా అతను మృతిచెందాడు. పోలీసులు దురుసుగా ప్రవర్తించడం వల్లే ఆత్మహత్య చేసుకున్నట్లు కుటుంబసభ్యులు ఆరోపిస్తున్నారు.