అంతర్జాతీయ హోటళ్లు, పెద్ద భవనాలలో 12వ అంతస్తు తర్వాత నేరుగా 14వ అంతస్తు వస్తుంది. 13వ అంతస్తు కనిపించదు. దీనికి ప్రధాన కారణం శతాబ్దాలుగా పాతుకుపోయిన మూఢనమ్మకాలు. ముఖ్యంగా పాశ్చాత్య దేశాలలో 13వ సంఖ్యను దురదృష్టానికి చిహ్నంగా పరిగణించడం. క్రైస్తవ సంప్రదాయంలో ఏసుక్రీస్తు చివరి విందులో 13 మంది పాల్గొనడం, జుడాస్ ఇస్కరియోట్ ద్రోహం, ఆ తర్వాత శుక్రవారం క్రీస్తు శిలువ వేయబడటం వంటి సంఘటనలు దీనికి కారణమని నమ్ముతారు.