చిరంజీవికి పెళ్లికార్డు అందించిన బండ్ల గణేశ్

ప్రముఖ సినీ నిర్మాత బండ్ల గణేష్ తన కుమార్తె జనని వివాహ వేడుకకు మెగాస్టార్ చిరంజీవి దంపతులను ఆహ్వానించారు. శనివారం చిరంజీవి నివాసానికి వెళ్లి, ఆగస్టు 16న జరగనున్న వివాహానికి హాజరు కావాలని కోరుతూ వివాహ పత్రికను అందజేశారు. ఈ సందర్భంగా బండ్ల గణేష్, చిత్ర పరిశ్రమలోకి రావడానికి స్ఫూర్తినిచ్చిన చిరంజీవి ఆశీస్సులు లభించడం ఆనందంగా ఉందని పేర్కొన్నారు. ఆయన చిరంజీవితో దిగిన ఫోటోలను #JananiSuryaPayanam అనే హ్యాష్‌ట్యాగ్‌తో సోషల్ మీడియాలో పంచుకున్నారు, ఇది వైరల్‌గా మారింది.