ఓటీటీలో 21న ధృవ్ విక్రమ్ 'బైసన్'

ధృవ్ విక్రమ్ హీరోగా నటించిన 'బైసన్' చిత్రం భారీ అంచనాల మధ్య విడుదలై సూపర్ హిట్ టాక్ తెచ్చుకుంది. మారి సెల్వరాజ్ దర్శకత్వంలో, అనుపమ పరమేశ్వరన్ హీరోయిన్‌గా నటించిన ఈ సినిమా, కబడ్డీ ఆటలో ప్రావీణ్యం సాధించి అర్జున అవార్డు గెలుచుకున్న యువకుడి కథను అద్భుతంగా తెరకెక్కించారు. సుమారు మూడేళ్లు ఈ సినిమాకే కేటాయించిన ధృవ్ విక్రమ్ నటన విశేషంగా ఆకట్టుకుంది. థియేటర్లలో మంచి వసూళ్లు సాధించిన ఈ చిత్రం, నెట్‌ఫ్లిక్స్‌లో ఈ నెల 21 నుండి స్ట్రీమింగ్ కానుంది.