భారత యువ క్రికెటర్ యశస్వి జైశ్వాల్ అరుదైన ఘనత సాధించాడు. అంతర్జాతీయ వన్డే, టీ20, టెస్ట్ ఫార్మాట్లలో సెంచరీ చేసిన 7వ భారతీయ క్రికెటర్‎గా నిలిచాడు. శనివారం విశాఖపట్నం వేదికగా సౌతాఫ్రికాతో జరిగిన మూడో వన్డేలో జైశ్వాల్( 111 బంతుల్లో 100 రన్స్) సెంచరీ కొట్టడం ద్వారా ఈ రికార్డ్ నెలకొల్పాడు. 23 ఏళ్ల వయసులోనే ఈ ఘనత సాధించడం మరో విశేషం. ఈ క్రమంలో విరాట్ కోహ్లీ, రోహిత్ శర్మ వంటి దిగ్గజాల సరసన చేరాడు.