బస్సు ప్రమాదం.. మృతుల కుటుంబాలకు రూ.5 లక్షల పరిహారం ప్రకటన

TG: వికారాబాద్‌ జిల్లా అనంతగిరి వద్ద జరిగిన బస్సు ప్రమాద ఘటనలో మృతుల కుటుంబాలకు ప్రభుత్వం రూ.5 లక్షల చొప్పున ఎక్స్‌గ్రేషియా ప్రకటించింది. ఈ మేరకు క్షతగాత్రులను మంత్రి శ్రీధర్‌బాబు పరామర్శించారు. ఈ సందర్భంగా మృతుల కుటుంబాలకు రూ.5 లక్షలు, తీవ్రంగా గాయపడిన వారికి లక్ష రూపాయల చొప్పున మంత్రి పరిహారం ప్రకటించారు. ప్రమాదానికి గురైన ట్రావెల్స్‌ యాజమాన్యంతోపాటు డ్రైవర్‌పై కేసు నమోదైనట్లు తెలిపారు. పూర్తి వివరాలు సేకరించి బాధ్యులపై చర్యలు తీసుకుంటామని హామీ ఇచ్చారు.