సీఎం రేవంత్ వ్యాఖ్యలు.. హరీశ్ రావు నిజంగానే పార్టీ మారతారా?

TG: "హరీశ్ రావు పార్టీ మారే వ్యక్తి" అంటూ సీఎం రేవంత్ చేసిన వ్యాఖ్యలు తెలంగాణ రాజకీయాల్లో తీవ్ర చర్చకు దారితీశాయి. BRSలో KTRకు పెరుగుతున్న ప్రాధాన్యం, హరీశ్ రావులో అసంతృప్తి ఉందన్న ప్రచారం నేపథ్యంలో ఈ వ్యాఖ్యలు వచ్చాయని రాజకీయ వర్గాలు విశ్లేషిస్తున్నాయి. బీఆర్ఎస్ శ్రేణుల్లో అయోమయం సృష్టించడం, కాంగ్రెస్‌లో చేరిన మాజీ బీఆర్ఎస్ నేతల అంశాన్ని సమర్థించుకోవడం, అలాగే హరీశ్ రావు చేస్తున్న విమర్శలకు ఎదురుదాడి చేయడమే రేవంత్ వ్యూహమని కొందరు భావిస్తున్నారు. అయితే హరీశ్ రావు పార్టీ మార్పుపై ఎలాంటి అధికారిక సంకేతాలు లేకపోవడంతో ఈ వ్యవహారం ప్రస్తుతం రాజకీయ ఆరోపణలే అని మరికొందరు కొట్టిపారేస్తున్నారు.