మరోసారి పెరిగిన CNG ధరలు

ముంబైలో మహానగర్ గ్యాస్ లిమిటెడ్ (MGL) అర్ధరాత్రి నుంచి సీఎన్‌జీ ధరలను మరోసారి పెంచింది. కిలో సీఎన్‌జీపై రూ.2 పెరగడంతో, ముంబైలో సీఎన్‌జీ ధర రూ.86కు చేరింది. దేశీయ పైప్డ్ నాచురల్ గ్యాస్ (PNG) ధరలు కూడా స్టాండర్డ్ క్యూబిక్ మీటర్‌కు 50 పైసలు పెరిగాయి. ఈ ధరల పెంపు ముంబై, థానే, నవీ ముంబైతో సహా MGL పరిధిలోని అన్ని ప్రాంతాలను ప్రభావితం చేస్తుంది. గ్యాస్ సేకరణ ఖర్చులు గణనీయంగా పెరగడం, దేశీయ గ్యాస్ కేటాయింపులు తగ్గడం, రూపాయి విలువ క్షీణించడం వంటి కారణాల వల్ల ధరలు పెరిగాయని MGL తెలిపింది.