బస్సును ఢీకొట్టిన కంటైనర్.. ఆరుగురు మృతి

యూపీలోని మధుర జిల్లా సురీర్ పీఎస్ పరిధిలోని యమునా ఎక్స్‌ప్రెస్‌వేపై శనివారం తెల్లవారుజామున ఘోర రోడ్డు ప్రమాదం జరిగింది. ప్రయాణికులతో వెళ్తున్న బస్సును వేగంగా వచ్చిన కంటైనర్ ఢీకొట్టింది. ఈ ఘటనలో ఆరుగురు ప్రాణాలు కోల్పోగా .. ఒకరు తీవ్రంగా గాయపడ్డారు. అతివేగంతో వచ్చిన కంటైనర్ ట్రక్కు, నిలిపి ఉంచిన ప్రైవేట్ బస్సును, అక్కడే నిలబడి ఉన్న ప్రయాణికులను ఢీకొనడంతో ఈ ప్రమాదం జరిగింది. సమాచారం మేరకు పోలీసులు, SDRF బృందాలు ఘటనా స్థలానికి చేరుకుని సహాయక చర్యలు చేపట్టాయి.