బైక్‌ సహా కొట్టుకుపోయిన ప్రేమ జంట

తెలంగాణలో షాకింక్ ఘటన చోటుచేసుకుంది. మొంథా తుఫాన్ కారణంగా జనగామ జిల్లాలో వరదలు పోటెత్తడంతో, మత్తడిని దాటేందుకు ప్రయత్నించిన ప్రేమ జంట బైక్‌తో సహా వరదల్లో కొట్టుకుపోయింది. జనగామ జిల్లా స్టేషన్ ఘనపూర్ మండలం తిమ్మంపేట శివారులో ఈ ఘటన చోటు చేసుకుంది. బరిగెల శివకుమార్, బక్క శ్రావ్య అనే యువతీ యువకులు బైక్‌పై వెళ్తుండగా, బోళ్ల మత్తడి ప్రవాహంలో పడిపోయారు. శివకుమార్ చెట్టు కొమ్మను పట్టుకుని బయటపడగా, శ్రావ్య నీటిలో కొట్టుకుపోయింది.