లోక్సభలో ఈ-సిగరెట్ దుమారం

లోక్‌సభలో ఈ-సిగరెట్ అంశం తీవ్ర దుమారం రేపింది. ఈ-సిగరెట్‌ల వినియోగంపై దేశవ్యాప్తంగా నిషేధం ఉన్నప్పటికీ, సభలో టీఎంసీ సభ్యులు వాటిని తాగుతున్నారని ఎంపీ అనురాగ్ ఠాకూర్ ఆరోపించారు. ఈ అంశంపై స్పందించిన లోక్‌సభ స్పీకర్ ఓం బిర్లా, సభ్యులను ఉద్దేశించి నియమాన్ని ప్రస్తావించారు. "సభలో ఎవరైనా సిగరెట్ లేదా ఈ-సిగరెట్ తాగుతున్నట్లు నా దృష్టికి వస్తే, వారిపై ఖచ్చితంగా చర్యలు తీసుకుంటాను," అని గట్టిగా హెచ్చరించారు. ప్రజా ప్రతినిధుల ప్రవర్తనపై వచ్చిన ఈ ఆరోపణ రాజకీయ వర్గాల్లో చర్చనీయాంశమైంది.