చైనా నుంచి సినిమా స్టైల్‌లో ఎస్కేప్‌.. రబ్బరు పడవలో ప్రయాణం

చైనా ప్రభుత్వంపై గళం విప్పి, పలుమార్లు నిర్బంధానికి గురైన 68 ఏళ్ల మాజీ పోలీసు అధికారి డాంగ్‌ గాంగ్‌పింగ్‌, చిన్న రబ్బరు పడవలో 30 గంటల పాటు అత్యంత ప్రమాదకరంగా సముద్రంలో ప్రయాణించి దేశం దాటాడు. ప్రభుత్వ విధానాలకు వ్యతిరేకంగా గళమెత్తినందుకు పలుమార్లు అరెస్టయిన డాంగ్‌, స్వేచ్ఛ కోసం చైనాను వీడాలని నిర్ణయించుకున్నాడు. 2015లో థాయ్‌లాండ్‌ వెళ్లి, అక్కడి నుంచి చైనాకు డిపోర్ట్ అయి, జైలు శిక్ష అనుభవించాడు. జైలు నుండి విడుదలయ్యాక వెయిహై నుంచి బయల్దేరి సముద్రంలో ప్రయాణించి దక్షిణ కొరియా తీరానికి చేరాడు. అక్కడ తీరరక్షక సిబ్బంది అతన్ని అదుపులోకి తీసుకున్నారు.