జాతీయ రహదారుల వెంట ప్రయాణించే వారికి ప్రాజెక్టుల వివరాలు సులభంగా తెలియజేసేందుకు కేంద్ర ప్రభుత్వం కొత్త విధానాన్ని అమలు చేస్తోంది. హైవేల పక్కన ప్రత్యేక బోర్డులపై క్యూఆర్ కోడ్‌లను స్కాన్ చేస్తే రహదారి నిర్మాణం, టోల్‌ప్లాజాలు, వైద్య సదుపాయాలు, ఛార్జింగ్ పాయింట్లు వంటి సమగ్ర సమాచారం తెలుస్తుంది. తెలుగు, హిందీ, ఇంగ్లిషుతో పాటు 23 భాషల్లో ఈ సమాచారం అందుబాటులో ఉంటుంది. ఈ విధానం రహదారి నిర్మాణాల్లో పారదర్శకత పెంచడంతో పాటు ప్రజలను భాగస్వామ్యం చేయడానికి, ఫిర్యాదులు చేయడానికి ఉద్దేశించబడింది.