కర్ణాటకలో ఘోర రోడ్డు ప్రమాదం.. ఏపీకి చెందిన 20 మందికి గాయాలు

కర్ణాటకలోని బెంగళూరు సమీపంలోని చింతామణి వద్ద ఆదివారం తెల్లవారుజామున రోడ్డు ప్రమాదం జరిగింది. మార్కాపురం జిల్లా పామూరు నుంచి బెంగళూరుకు వెళ్తున్న ఉదయగిరి డిపో బస్సు రోడ్డు పక్కన నిలిపి ఉన్న లారీని ఢీకొట్టింది. ఈ ప్రమాదంలో బస్సులో ప్రయాణిస్తున్న ఏపీకి చెందిన 20 మంది గాయపడ్డారు. వారిలో 10 మందికి తీవ్ర గాయాలు కావడంతో సమీప ఆస్పత్రులకు తరలించి చికిత్స అందిస్తున్నారు. మిగిలిన వారికి స్వల్ప గాయాలు అయినట్లు సమాచారం. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.