కూతుళ్లపై తండ్రి అత్యాచారం.. కాల్చి చంపిన కొడుకు

యూపీలోని మధుర జిల్లా కోసికాలన్‌లో మోహిత్ అనే యువకుడు తన సోదరీమణుల గౌరవాన్ని కాపాడేందుకు సొంత తండ్రి రాంలాల్‌ను కత్తితో పొడిచి, కాల్చి చంపాడు. రాంలాల్ గత 6 ఏళ్లుగా తన కుమార్తెలను లైంగికంగా వేధిస్తున్నాడని ఆరోపణలున్నాయి. మాదకద్రవ్యాలకు బానిసైన రాంలాల్ గతంలో తన తల్లి, భార్య, మరో కుమార్తెను కూడా హత్య చేసినట్లు సమాచారం. అయితే ఇద్దరు కుమార్తెలతో కలిసి కోసికాలన్‌లో నివసిస్తూ వారిని కూడా వేధింపులకు గురిచేశాడు. ఈ విషయం తెలుసుకున్న కొడుకు ఈ దారుణానికి పాల్పడ్డాడు.