మాజీ ఎమ్మెల్యే గంటెల సుమన కన్నుమూత

AP: అనకాపల్లి జిల్లా పాయకరావుపేట మాజీ ఎమ్మెల్యే గంటెల సుమన కన్నుమూశారు. ఆమె ఆరోగ్యం క్షీణించడంతో శుక్రవారం తెల్లవారుజామున విశాఖలోని ఓ ఆస్పత్రిలో చికిత్స పొందుతూ తుది శ్వాస విడిచారు. 1983లో గంటెల సుమన టీడీపీ నుంచి పోటీ చేసి ఎమ్మెల్యేగా గెలిచారు. ఆమె మృతదేహాన్ని నగరంలోని ప్రియదర్శిని వృద్ధాశ్రయంలో ప్రజల సందర్శనార్థం ఉంచారు. ఆమె మృతితో పలువురు రాజకీయ నేతలు సంతాపం తెలుపుతున్నారు.