బ్యాంకు ఉద్యోగాన్ని వదిలి జననాట్య మండలిలో చేరిన గద్దర్

ప్రముఖ విప్లవ గాయకుడు గద్దర్ 1975లో బ్యాంకు ఉద్యోగంలో చేరి, 1984లో రాజీనామా చేసి జననాట్య మండలిలో చేరారు. ఈ సంస్థ ద్వారా పాటలు, బుర్రకథలు, నాటకాలతో ప్రజల్లో చైతన్యం నింపారు. ఆయన పాటలు కుల వివక్ష, భూస్వామ్య వ్యవస్థపై పోరాట స్ఫూర్తిని రగిలించాయి. కొంతకాలం పీపుల్స్ వార్ గ్రూప్ మద్దతుదారుగా అండర్‌గ్రౌండ్‌లో ఉంటూ గద్దర్, సామాజిక అసమానతలకు వ్యతిరేకంగా ప్రజలకు స్ఫూర్తినిచ్చారు.