లైసెన్స్ లేని క్లినిక్: 5 ఏళ్ల జైలు, రూ. 1.2 లక్షల జరిమానా

జోగులాంబ గద్వాల జిల్లా జమ్మిచేడు గ్రామంలో లైసెన్స్ లేకుండా క్లినిక్ నిర్వహిస్తూ, మందులు విక్రయించిన జయరాముడు అనే వ్యక్తికి జిల్లా న్యాయమూర్తి ఎన్. ప్రేమలత 5 సంవత్సరాల జైలు శిక్షతో పాటు ₹1,20,000 జరిమానా విధించారు. 2015 ఆగస్టు 6న డ్రగ్స్ ఇన్‌స్పెక్టర్ బాలకృష్ణ తనిఖీలో 35 రకాల మందులతో పట్టుబడిన జయరాముడు, లైసెన్స్ లేదని అంగీకరించాడు. డ్రగ్స్ అండ్‌ కాస్మెటిక్స్ యాక్ట్ సెక్షన్ 27 ప్రకారం 5 ఏళ్ల జైలు, ₹1 లక్ష జరిమానా, సెక్షన్ 28 ప్రకారం అదనంగా 6 నెలల జైలు, ₹20,000 జరిమానా విధిస్తూ న్యాయస్థానం తీర్పు వెలువరించింది. నకిలీ డాక్టర్ల నుండి ప్రజలను కాపాడాలని కోర్టు ఆదేశించింది.