కాంగ్రెస్ నాయకుడు శాంతి కుమార్ ను పరామర్శించిన మంత్రి వాకిటి

నారాయణపేట జిల్లా మక్తల్ పట్టణానికి చెందిన కాంగ్రెస్ సీనియర్ నాయకుడు కటిక శాంతి కుమార్ రెండు రోజుల క్రితం జరిగిన రోడ్డు ప్రమాదంలో తీవ్రంగా గాయపడ్డారు. ఈ విషయం తెలుసుకున్న మంత్రి వాకిటి శ్రీహరి, రాయచూరులోని ఓ ప్రైవేట్ ఆస్పత్రిలో చికిత్స పొందుతున్న శాంతి కుమార్ ను పరామర్శించి, ఆయన ఆరోగ్య పరిస్థితిపై ఆరా తీశారు. మెరుగైన వైద్యం అందించాలని మంత్రి వైద్యులకు సూచించారు. ఈ కార్యక్రమంలో మక్తల్ నియోజకవర్గ కాంగ్రెస్ సీనియర్ నాయకులు పాల్గొన్నారు.