హైదరాబాద్‌ గచ్చిబౌలిలో క్యాబ్‌ ఎక్కుతున్న మహిళా సాఫ్ట్‌వేర్‌ ఇంజినీర్‌కు వేధింపులు ఎదురయ్యాయి. వైజాగ్‌కు చెందిన 24 ఏళ్ల యువతి ఐటీ ఉద్యోగం చేస్తూ ఇందిరానగర్‌లోని పీజీలో ఉంటోంది. మంగళవారం ఉదయం 10.30 గంటలకు క్యాబ్‌ ఎక్కుతుండగా.. ఓ వ్యక్తి ఆమెను పక్కకు లాగి ముద్దు పెట్టి పరారయ్యాడు. బాధితురాలి ఫిర్యాదుతో పోలీసులు సీసీ కెమెరాలను పరిశీలించి జార్ఖండ్‌కు చెందిన సెక్యూరిటీ గార్డు రాజ్‌కుమార్‌ (25)ను అరెస్ట్‌ చేసి విచారిస్తున్నారు.