ప్రీపెయిడ్ మొబైల్ వినియోగదారులకు కేంద్రం శుభవార్త

భారతదేశంలోని ప్రీపెయిడ్ మొబైల్ వినియోగదారులకు కేంద్ర ప్రభుత్వం శుభవార్త అందించింది. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) నూతన నిబంధనలను ప్రకటించింది. దీని ప్రకారం, మొబైల్ ఆపరేటర్లు తప్పనిసరిగా 30 రోజుల వ్యాలిడిటీతో కూడిన రీఛార్జ్ ప్లాన్లను అందించాలి. ప్రస్తుతం ఉన్న 28 రోజుల వ్యాలిడిటీకి బదులుగా ఈ మార్పు అమలులోకి వస్తుంది. డేటా అవసరం లేని వినియోగదారుల కోసం ప్రత్యేకంగా వాయిస్ కాల్స్, SMS ప్లాన్లను కూడా ట్రాయ్ ఆదేశించింది. ఈ నిర్ణయం వల్ల ప్రీపెయిడ్ వినియోగదారులకు మరింత సౌలభ్యం చేకూరుతుందని భావిస్తున్నారు.