గ్రేటర్ హైదరాబాద్ రియల్ ఎస్టేట్ మార్కెట్‌లో కేపీహెచ్‌బీకి ఉన్న క్రేజ్‌ను మరోసారి రుజువు చేస్తూ, కేపీహెచ్‌బీ 7వ ఫేజ్‌లోని హౌసింగ్ బోర్డు ఓపెన్ ప్లాట్ల బహిరంగ వేలానికి భారీ స్పందన లభించింది. బుధవారం జరిగిన ఈ వేలంలో 16 ఎంఐజీ ఓపెన్ ప్లాట్లకు 19 మంది బిడ్డర్లు పోటీపడ్డారు. గజానికి కనీస మద్దతు ధర రూ.1.60 లక్షలుగా ఉండగా, గరిష్టంగా రూ.2.70 లక్షల వరకు ధర పలికింది. ఈ వేలం ద్వారా తెలంగాణ హౌసింగ్ బోర్డుకు రూ.47.14 కోట్ల ఆదాయం సమకూరింది.