భారీ వర్షాలు.. సింహాచలం మెట్ల మార్గం తాత్కాలిక మూసివేత

AP: విశాఖపట్నంలో కురుస్తున్న ఈదురు గాలులతో కూడిన భారీ వర్షాల కారణంగా ప్రసిద్ధ పుణ్యక్షేత్రం సింహాచలం స్వామివారి మెట్ల మార్గాన్ని దేవస్థానం అధికారులు తాత్కాలికంగా మూసివేశారు. కుండపోత వర్షాలకు కొండపై నుంచి రాళ్లు, మట్టి జారిపడే ప్రమాదం ఉండటంతో భక్తుల సురక్షిత రక్షణ దృష్ట్యా ఈ నిర్ణయం తీసుకున్నారు. కొండపైకి వెళ్లే భక్తులు మెట్ల మార్గానికి బదులుగా ఘాట్ రోడ్డు ద్వారా వాహనాల్లో మాత్రమే ప్రయాణించాలని ఆలయ అధికారులు సూచించారు.