మరోసారి హై టెన్షన్.. ఇరాన్ సైనిక స్థావరంపై అమెరికా దాడి (వీడియో)

పశ్చిమాసియాలో ఉద్రిక్తతలు మరోసారి తీవ్రరూపం దాల్చాయి. హోర్ముజ్ జలసంధి సమీపంలో ఇరాన్‌కు చెందిన సైనిక స్థావరాలపై అమెరికా మెరుపు దాడులు నిర్వహించినట్లు అంతర్జాతీయ మీడియా వెల్లడించింది. డ్రోన్, క్షిపణి కేంద్రాలను లక్ష్యంగా చేసుకుని ఈ దాడులు జరిగాయని సమాచారం. ప్రపంచ చమురు రవాణాకు కీలకమైన హోర్ముజ్ జలసంధిలో వాణిజ్య నౌకల భద్రతను కాపాడేందుకే ఈ చర్యలు చేపట్టినట్లు అమెరికా రక్షణ శాఖ తెలిపింది. తాజా పరిణామాలతో గల్ఫ్ ప్రాంతంలో హై అలర్ట్ కొనసాగుతుండగా, అంతర్జాతీయంగా చమురు సరఫరాపై ఆందోళనలు నెలకొన్నాయి.