ఒక్కరోజే 67 మంది గురుకుల విద్యార్థులకు ఆస్వస్థత

హైదరాబాద్ నగరంలో రెండు వేర్వేరు ఫుడ్ పాయిజన్ ఘటనల్లో 67 మంది గురుకుల విద్యార్థులు అస్వస్థతకు గురయ్యారు. హైటెక్ సిటీ సమీపంలోని చంద్రునాయక్ తండా పాఠశాలలో 44 మంది, బాగ్ లింగంపల్లి మైనారిటీ గురుకుల పాఠశాలలో 23 మంది విద్యార్థులు ఈ ఘటనల్లో ప్రభావితమయ్యారు. చంద్రునాయక్ తండా విద్యార్థుల్లో ఆరుగురి పరిస్థితి ఆందోళనకరంగా ఉందని వైద్యులు తెలిపారు. ఈ ఘటనలు నగరంలో ఆహార భద్రతపై ఆందోళనలను రేకెత్తించాయి.