అర్ధరాత్రి భారీ అగ్నిప్రమాదం

హైదరాబాద్‌లోని బహదూర్‌పురా పోలీస్ స్టేషన్ పరిధిలో నెహ్రూ జూపార్క్ సమీపంలో గురువారం అర్ధరాత్రి ఒక స్క్రాప్ దుకాణంలో భారీ అగ్నిప్రమాదం సంభవించింది. ప్లాస్టిక్, రబ్బర్, పాత మెటల్ వస్తువులు నిల్వ ఉండటంతో మంటలు వేగంగా వ్యాపించి, దట్టమైన నల్లటి పొగ అలుముకుంది. అగ్నిమాపక సిబ్బంది మంటలను అదుపులోకి తెచ్చేందుకు ప్రయత్నిస్తున్నారు. ఈ ప్రమాదంలో ఎలాంటి ప్రాణనష్టం జరిగినట్లు సమాచారం లేదు, కానీ దుకాణం పూర్తిగా దగ్ధమవడంతో భారీ ఆస్తి నష్టం సంభవించింది. షార్ట్ సర్క్యూట్ కారణంగా ప్రమాదం జరిగి ఉండవచ్చని పోలీసులు ప్రాథమికంగా అనుమానిస్తున్నారు. ఈ సంఘటనతో ఆ ప్రాంతంలో ట్రాఫిక్ స్తంభించింది, జూలోని జంతువులు భయాందోళనకు గురయ్యే ప్రమాదం ఉందని సిబ్బంది ఆందోళన వ్యక్తం చేస్తున్నారు.