ప్రైవేట్ సెక్యూరిటీ సిబ్బందికి పోలీసుల అవగాహన

కుత్బుల్లాపూర్ జోనల్ పోలీసుల ఆధ్వర్యంలో మేడ్చల్ పోలీస్ స్టేషన్ పరిధిలోని కండ్లకోయ సీఎంఆర్ టెక్నికల్ క్యాంపస్‌లో ప్రైవేట్ సెక్యూరిటీ ఏజెన్సీలు, సెక్యూరిటీ గార్డులు, సీసీటీవీ విక్రేతలకు అవగాహన కార్యక్రమం జరిగింది. ఈ సందర్భంగా డీసీపీ ఎన్‌. కోటి రెడ్డి మాట్లాడుతూ, నేరాల నియంత్రణలో సీసీటీవీ వ్యవస్థలు, సెక్యూరిటీ సిబ్బంది కీలక పాత్ర పోషిస్తున్నారని తెలిపారు. పిఎస్ఏఆర్ చట్టం ప్రకారం ప్రతి ఏజెన్సీ తప్పనిసరిగా నమోదు చేసుకొని పోలీసులతో సమన్వయంగా పనిచేయాలని సూచించారు. ఈ కార్యక్రమంలో సుమారు 300 మంది హాజరయ్యారు.