ట్రాఫిక్ నియమాలపై విద్యార్థులకు అవగాహన కల్పించిన అదనపు కమిషనర్

జాతీయ రోడ్డు భద్రతా మాసోత్సవాల్లో భాగంగా, అమీర్‌పేట్ D.K. రోడ్‌లోని ప్రభుత్వ ఉన్నత పాఠశాల విద్యార్థులకు ట్రాఫిక్ నియమాలు, రహదారి భద్రతపై అదనపు డిప్యూటీ కమిషనర్ సి. వేణుగోపాల్ రెడ్డి అవగాహన కల్పించారు. టిటిఐ బేగంపేట, నిప్పాన్ ఎక్స్‌ప్రెస్ సమన్వయంతో జరిగిన ఈ కార్యక్రమంలో, మొబైల్ ఫోన్ వాడకం, రాంగ్ రూట్ డ్రైవింగ్, రెడ్ సిగ్నల్ జంపింగ్, అతి వేగం, ట్రిపుల్ రైడింగ్ వంటి ప్రమాదకర పద్ధతుల వల్ల కలిగే నష్టాలను వివరించారు. జీబ్రా లైన్ల ప్రాముఖ్యతను, బాధ్యతాయుతమైన డ్రైవింగ్ ద్వారా ప్రమాదాలను నివారించవచ్చని, రోడ్డు భద్రతా నియమాలను పాటించడం అందరి బాధ్యత అని ఆయన విద్యార్థులకు తెలిపారు. ఈ కార్యక్రమంలో ఏసీపీ లక్ష్మణ్, టిటిఐ ఇన్‌స్పెక్టర్ నాగుల అశోక్, 300 మంది విద్యార్థులు, నిప్పాన్ ఎక్స్‌ప్రెస్ సిబ్బంది పాల్గొన్నారు.