కెపిహెచ్బి పోలీసుల ఫుట్ పెట్రోలింగ్!

కెపిహెచ్బి పోలీస్ స్టేషన్ పరిధిలో ప్రజల భద్రత, శాంతిభద్రతల పరిరక్షణ, నేరాల నివారణ కోసం పోలీసులు ఫుట్ పెట్రోలింగ్ నిర్వహించారు. ఎస్‌హెచ్‌ఓ జి. విజయ్ కుమార్ ఆధ్వర్యంలో ప్రధాన రహదారులు, మార్కెట్ ప్రాంతాల్లో చేపట్టిన ఈ కార్యక్రమంలో 20 మంది పోలీసు సిబ్బంది పాల్గొన్నారు. అనుమానాస్పద వ్యక్తులు, కార్యకలాపాలపై నిఘా ఉంచుతూ ప్రజల్లో భద్రతా భావన పెంపొందించడమే లక్ష్యంగా విజిబుల్ పోలీసింగ్ నిర్వహించారు. రాబోయే రోజుల్లోనూ ఇలాంటి కార్యక్రమాలను విస్తృతంగా చేపడతామని ఎస్‌హెచ్‌ఓ తెలిపారు.