కమ్యూనిటీ హాల్‌పై నిరసన

కూకట్‌పల్లి నియోజకవర్గంలోని రాజు కాలనీ కమ్యూనిటీ హాల్‌ను ఈఎస్ఐ డిస్పెన్సరీకి అప్పగించడాన్ని మాజీ కార్పొరేటర్ ఆవుల రవీందర్ రెడ్డి తీవ్రంగా వ్యతిరేకించారు. పేదలు శుభకార్యాలకు ఉపయోగించే ఈ హాల్‌ను తొలగించడం అన్యాయమని ఆయన అన్నారు. ప్రభుత్వం తన నిర్ణయాన్ని వెనక్కి తీసుకోకపోతే, ఎమ్మెల్యే మాధవరం కృష్ణారావు నాయకత్వంలో మహాధర్నా చేపడతామని ఆయన హెచ్చరించారు. ఈ నిరసనలో బీఆర్ఎస్ నాయకులు, స్థానికులు పాల్గొన్నారు.