ఏపీలో మరో రెండు రోజుల పాటు వాతావరణం భిన్నంగా ఉండనుంది. కొన్ని జిల్లాల్లో తేలికపాటి వర్షాలు కురిసే అవకాశం ఉండగా, మరికొన్ని జిల్లాల్లో ఎండలు తీవ్రతరం కానున్నాయి. ముఖ్యంగా బుధవారం ఉత్తరాంధ్ర, గోదావరి, రాయలసీమలోని పలు జిల్లాల్లో వర్షాలు కురిసే సూచనలున్నాయి. ఈ నెల 7వ తేదీన కోస్తా, రాయలసీమ ప్రాంతాల్లో పిడుగులతో కూడిన వర్షాలు పడతాయని అంచనా. ఈ నెల 8వ తేదీన ఉత్తరాంధ్ర, రాయలసీమలో పలుచోట్ల వర్షాలు కురిసే అవకాశం ఉంది. అలాగే, ఈ నెల 8వ తేదీ వరకు గోకవరం, జగ్గంపేట, చింతూరు ప్రాంతాల్లో వడగాలులు వీస్తాయని వాతావరణ శాఖ తెలిపింది.