డిజిటల్ అరెస్ట్‌కు పాల్పడిన ముగ్గురు నిందితుల అరెస్ట్

హైదరాబాద్ సైబర్ క్రైమ్ పోలీసులు, సీనియర్ సిటిజన్‌ను డిజిటల్ అరెస్ట్ పేరుతో బెదిరించి రూ.1.92 కోట్లు కొట్టేసిన సైబర్ నేరగాళ్లను అరెస్ట్ చేశారు. నవంబర్ 7 నుంచి 14వ తేదీ వరకు చాగంటీ హనుమంతరావు అనే వ్యక్తిని ఆధార్ కార్డ్ దుర్వినియోగం కేసులో అరెస్ట్ చేస్తున్నట్లు సీబీఐ అధికారుల పేరుతో బెదిరించి, నకిలీ ఎఫ్ఐఆర్ పంపి మోసానికి పాల్పడ్డారు. ఈ కేసులో ముగ్గురు నిందితులు వినిత్ రాజ్, తిరుపతయ్య, విశ్వనాధ్‌లను అరెస్ట్ చేశారు. వీరిపై దేశవ్యాప్తంగా 5 కేసులున్నాయి. ప్రధాన నిందితుడు సందీప్ అలియాస్ అలెక్స్ పరారీలో ఉన్నాడు. కేసు నమోదైన రెండు వారాలలో నిందితులను అరెస్ట్ చేసి, వారి నుంచి నాలుగు మొబైల్ ఫోన్లను స్వాధీనం చేసుకున్నారు.