వడగళ్ల వర్షం.. రోడ్డుపై పేరుకుపోయిన మంచు (వీడియో)

హైదరాబాద్‌లో అరుదైన వాతావరణ దృశ్యం కనిపించింది. నగరంలోని పలు ప్రాంతాల్లో కురిసిన భారీ వడగళ్ల వర్షంతో, ముఖ్యంగా శంషాబాద్–నాదర్‌గుల్ ఔటర్ రింగ్ రోడ్డుపై మంచు ముక్కలు పేరుకుపోయాయి. రోడ్డంతా తెల్లగా మారిపోవడంతో హిమాలయాలను తలపించేలా దృశ్యాలు కనిపించాయి. ఈ అరుదైన సన్నివేశాలను చూసి స్థానికులు ఆశ్చర్యపోయారు. పలువురు ఫోటోలు, వీడియోలు తీసుకుంటూ సోషల్ మీడియాలో షేర్ చేయడంతో అవి కాస్త వైరల్‌గా మారాయి. హైదరాబాద్ ఒక్కసారిగా కాశ్మీర్‌లా మారిందంటూ నెటిజన్లు కామెంట్లు చేస్తున్నారు.