మల్కాజిగిరి పోలీస్ స్టేషన్ పరిధిలో దారుణం!

మల్కాజిగిరి పోలీస్ స్టేషన్ పరిధిలోని మౌలాలిలో కుషాయిగూడ ట్రాఫిక్ పోలీస్ స్టేషన్ ఎదుట సింగిరెడ్డి మీన్ రెడ్డి (32) అనే వ్యక్తి డ్రంక్ అండ్ డ్రైవ్ కేసులో పట్టుబడ్డాడు. పోలీసులు వ్యవహరించిన తీరుపై మనస్తాపంతో ఒంటిపై పెట్రోల్ పోసుకుని ఆత్మహత్యకు పాల్పడ్డాడని సమాచారం. మంగళవారం అర్ధరాత్రి సుమారు రెండు గంటలకు ఈ సంఘటన జరిగినట్లు సమాచారం. డ్రంక్ అండ్ డ్రైవ్ లో 120 వచ్చిందని కుషాయిగూడ ట్రాఫిక్ పోలీసులు చెబుతున్నారని మీన్ రెడ్డి ఆరోపించారు. మృతుడిని దమ్మాయిగూడ నివాసిగా గుర్తించిన పోలీసులు, పోస్టుమార్టం నిమిత్తం మృతదేహాన్ని గాంధీ ఆసుపత్రికి తరలించారు.