ఆర్టీసీ బస్సు ఢీకొని యువతి దుర్మరణం

మేడ్చల్ మున్సిపాలిటీ పరిధి గిర్మాపూర్కి చెందిన ముక్కెర కీర్తన(20) శుక్రవారం ఆర్టీసీ బస్సు ఢీకొని మృతి చెందింది. ఆమె చిన్నాన్న ప్రభాకర్, సోదరి సంకీర్తనతో కలిసి ద్విచక్ర వాహనంపై వెళ్తుండగా, కండ్లకోయ సమీపంలో అతివేగంగా వచ్చిన బస్సు ఢీకొట్టింది. ఈ ప్రమాదంలో కీర్తన అక్కడికక్కడే మృతి చెందగా, మిగతా ఇద్దరికి గాయాలయ్యాయి. మృతదేహాన్ని గాంధీ ఆసుపత్రికి, గాయపడిన వారిని ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు.