భారత స్టార్ బ్యాటర్ విరాట్ కోహ్లీ వన్డే సిరీస్ కోసం నెట్స్‌లో గట్టిగానే శ్రమించాడు. వడోదరలో న్యూజిలాండ్‌తో తొలి మ్యాచ్‌ నేపథ్యంలో బ్యాటింగ్ ప్రాక్టీస్ చేస్తూ.. సహచరులకు సూచనలిస్తూ సందడిగా గడిపాడు. ఈ సందర్భంగా తనలానే ఉన్న చిన్న పిల్లగాడిని చూసి కోహ్లీ షాకయ్యాడు. ఆ చిన్నారిని చూశాక తన చిన్నప్పటి ఫొటోలను గుర్తు చేసుకున్నాడు. ఆ తర్వాత అతడికి నవ్వుతూ ఆటోగ్రాఫ్ ఇచ్చాడు. ఈ వీడియో నెట్టింట వైరలవుతోంది. వచ్చే ఏడాది వన్డే ప్రపంచకప్ లక్ష్యంగా ఆడుతున్న కోహ్లీ న్యూజిలాండ్‌పై దంచేందుకు సిద్ధమయ్యాడు. నెట్స్‌లో సాధన చేస్తున్న సమయంలో పేసర్ అర్ష్‌దీప్ సింగ్ బౌలింగ్ యాక్షన్‌ను అనుకరించి అందర్నీ నవ్వించాడు.