కాలేజీల బంద్‌కు వెళ్తుండగా రవి కిరణ్ అరెస్ట్

ఫీజు రీయింబర్స్‌మెంట్ బకాయిలు చెల్లించాలని డిమాండ్ చేస్తూ బీఆర్‌ఎస్‌వీ పిలుపు మేరకు విద్యాసంస్థల బంద్ నేపథ్యంలో ఉద్రిక్త పరిస్థితులు నెలకొన్నాయి. ఈ క్రమంలో కాలేజీలను బంద్ చేయడానికి బయలుదేరిన బీఆర్‌ఎస్‌వీ నాయకుడు రవి కిరణ్‌ను జగదిరిగుట్ట పోలీసులు అక్రమంగా అరెస్ట్ చేసినట్లు ఆరోపణలు వెల్లువెత్తుతున్నాయి. విద్యార్థుల ఫీజు రీయింబర్స్‌మెంట్ బకాయిలు చెల్లించకపోవడం వల్ల అనేక మంది విద్యార్థులు ఇబ్బందులు పడుతున్నారని, ప్రభుత్వంపై ఒత్తిడి తీసుకురావడానికి బంద్‌కు పిలుపునిచ్చామని బీఆర్‌ఎస్‌వీ నాయకులు పేర్కొన్నారు.