అనారోగ్యంతో కుదేలైన గాగిల్లాపూర్ తండా కుటుంబం

కుత్బుల్లాపూర్ నియోజకవర్గంలోని దుండిగల్ డివిజన్ గాగిల్లాపూర్ తండాకు చెందిన కాట్రోత్ లక్ష్మణ్ నాయక్ తీవ్ర అనారోగ్యంతో బాధపడుతున్నారు. రెండు కిడ్నీలు, లివర్ దెబ్బతినడంతో కుటుంబం ఆర్థిక ఇబ్బందుల్లో కూరుకుపోయింది. ఈ విషయం తెలుసుకున్న మాజీ కౌన్సిలర్ శంకర్ నాయక్ బాధిత కుటుంబాన్ని పరామర్శించి రూ. 10 వేల ఆర్థిక సాయం అందజేశారు. ఎమ్మెల్సీ శంభీపూర్ రాజు, ఎమ్మెల్యే కేపీ వివేకానంద దృష్టికి ఈ విషయాన్ని తీసుకెళ్లి ప్రభుత్వ సహాయం అందేలా కృషి చేస్తానని ఆయన హామీ ఇచ్చారు.