కొంపల్లిలో యువకుడి ఆత్మహత్య

కుత్బుల్లాపూర్ నియోజకవర్గం, పేట్ బషీరాబాద్ పోలీస్ స్టేషన్ పరిధిలోని కొంపల్లి హై విజన్ రెసిడెన్స్‌లో రహీం భాయ్ (30) అనే యువకుడు గుర్తుతెలియని విష పదార్థం సేవించి ఆత్మహత్య చేసుకున్నాడు. ఉద్యోగం లేకపోవడం, అనారోగ్య సమస్యలతో మనస్తాపానికి గురై ఈ ఘాతుకానికి పాల్పడినట్లు పోలీసులు తెలిపారు. రాత్రి ఇంటికి వచ్చిన చెల్లెలు తలుపులు తెరవకపోవడంతో స్థానికుల సహాయంతో లోపలికి వెళ్లి చూడగా మృతదేహంగా కనిపించాడు. కేసు నమోదు చేసి పేట్ బషీరాబాద్ పోలీసులు దర్యాప్తు చేస్తున్నారు.