తెలుగు రాష్ట్రాల్లో అకాల వర్షాలు తీవ్ర విషాదాన్ని నింపాయి. తెలంగాణలోని మంచిర్యాల జిల్లా లక్షెట్టిపేటలో ఈదురుగాలుల కారణంగా గోడ కూలి నలుగురు రైతులు మృతిచెందగా, మరో నలుగురికి తీవ్రగాయాలయ్యాయి. ధాన్యం కొనుగోలు కేంద్రం వద్ద పంటను కాపాడేందుకు రైతులు వెళ్లగా ఈ ప్రమాదం జరిగింది. మరోవైపు ఆంధ్రప్రదేశ్‌లోని విజయనగరం జిల్లాలో పిడుగుపాటుతో ముగ్గురు మహిళలు, ఓ ఉపాధి కూలీ మృతిచెందారు. గత కొన్నిరోజులుగా కురుస్తున్న అకాల వర్షాలతో పలు ప్రాంతాల్లో రైతులకు పాడి, పంట నష్టం జరిగింది.