భవనంపై నుంచి పడి వ్యక్తి దుర్మరణం

ముషీరాబాద్ పరిధిలోని గాంధీనగర్ డివిజన్ నర్మద ఆస్పత్రి పక్కన నిర్మాణంలో ఉన్న ఐదు అంతస్తుల భవనంపై నుంచి శనివారం మధ్యాహ్నం ప్రమాదవశాత్తు కాలుజారి కిందపడి కృష్ణారావు (47) అనే వ్యక్తి మృతి చెందాడు. నిర్మాణంలో భాగంగా కర్రలు కడుతున్న సమయంలో ఈ ఘటన చోటు చేసుకుంది. తలకు తీవ్ర గాయం కావడంతో అక్కడికక్కడే మరణించాడు. పోలీసులు క్లూస్ టీం సహాయంతో వివరాలు సేకరించి, కేసు నమోదు చేసి దర్యాప్తు చేస్తున్నారు.