మధ్యప్రదేశ్‌లోని నర్సింగ్‌పూర్‌లో దారుణం వెలుగులోకి వచ్చింది. భార్య టీ పెట్టడానికి నిరాకరించిందని ఆగ్రహించిన భర్త మనోజ్ సోని.. ఆమె గొంతు కోసి హత్య చేశాడు. లతా సోని అనే మహిళ తన ఇంటి పై అంతస్తు గదిలో మృతదేహంగా కనిపించింది. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. పరారీలో ఉన్న భర్తను పోలీసులు నర్సింగ్‌పూర్-కరేలి రోడ్డులోని సిద్ధ బాబా ఆలయం వెనుక ఉన్న పొలంలో అరెస్ట్ చేశారు.