ట్రాన్స్‌జెండర్ మహిళకు CMRF సాయం: సీఎం ఆదేశాలతో వైద్య ఖర్చుల మంజూరు

తెలంగాణ ప్రభుత్వం ట్రాన్స్‌జెండర్ల ఆరోగ్య హక్కుల కోసం అండగా నిలుస్తూ, కీలక నిర్ణయాలు తీసుకుంటోంది. చరిత్రలోనే తొలిసారిగా, బ్రెస్ట్ ఇంప్లాంటేషన్ శస్త్రచికిత్సకు ఒక ట్రాన్స్‌జెండర్ మహిళకు CMRF (ముఖ్యమంత్రి సహాయ నిధి) నుండి ఆర్థిక సహాయం మంజూరు చేయబడింది. సీఎం రేవంత్ రెడ్డి ఆదేశాల మేరకు ఈ నిధులు విడుదలయ్యాయి. ట్రాన్స్‌జెండర్ల సంక్షేమం, ఆరోగ్య హక్కులు, సమాన అవకాశాల కల్పనలో ప్రభుత్వం ముందంజలో ఉందని క్వీర్ బంధు పేరెంట్స్ అసోసియేషన్ పేర్కొంది. ఈ చర్య గౌరవప్రదమైన జీవనానికి ఒక ముందడుగు అని, అసోసియేషన్ ప్రతినిధులు ఓఎస్డీ వేముల శ్రీనివాసులను కలిసి ధన్యవాదాలు తెలిపారు. LGBTQ సమాజ సంక్షేమానికి ప్రభుత్వం కట్టుబడి ఉందనే సందేశాన్ని ఇది తెలియజేస్తుంది.