‘పిచ్ బ్లాక్’ సైనిక విన్యాసాల‌కు.. ఐఏఎఫ్ ర‌ఫేల్ యుద్ధ విమానాలు

భారతీయ వైమానిక దళానికి చెందిన నాలుగు రఫేల్ యుద్ధ విమానాలు ఆస్ట్రేలియాలోని డార్విన్‌లోని రాయల్ ఆస్ట్రేలియన్ ఎయిర్ ఫోర్స్ బేస్‌కు చేరుకున్నాయి. ఇవి 'పిచ్ బ్లాక్' పేరుతో జరిగే సైనిక విన్యాసాల్లో పాల్గొంటున్నాయి. ఈ విన్యాసాల్లో సుమారు 19 దేశాలకు చెందిన 100 యుద్ధ విమానాలు, 2500 మంది సిబ్బంది పాల్గొంటారు. జులై 20 నుంచి ఆగస్టు 7 వరకు జరిగే ఈ విన్యాసాల్లో రఫేల్ విమానాలు తమ సామర్థ్యాలను ప్రదర్శించనున్నాయి. వ్యూహాత్మక సంబంధాలను బలోపేతం చేసుకోవడంతో పాటు వైమానిక యుద్ధ క్షేత్రాల్లో సామర్థ్యాలను పరీక్షించుకోవడం దీని లక్ష్యం.