భారత ఆర్థిక వ్యవస్థ 4 ట్రిలియన్ డాలర్లను దాటుతుంది: సీఈఏ నాగేశ్వరన్

ప్రస్తుత ఆర్థిక సంవత్సరంలో భారత ఆర్థిక వ్యవస్థ విలువ 4 ట్రిలియన్ డాలర్లను దాటుతుందని ప్రధాన ఆర్థిక సలహాదారు (సీఈఏ) అనంత్ నాగేశ్వరన్ తెలిపారు. ప్రస్తుతం 3.9 ట్రిలియన్ డాలర్ల జీడీపీతో భారతదేశం ఐదో అతిపెద్ద ఆర్థిక వ్యవస్థగా ఉంది. 'ఐవీసీఏ గ్రీన్ రిటర్న్స్ సమ్మిట్​ 2025'లో ఆయన మాట్లాడుతూ, మార్చి 2025 చివరి నాటికి భారత ఆర్థిక వ్యవస్థ 4 ట్రిలియన్ డాలర్ల మార్కును దాటుతుందన్నారు. భౌగోళిక రాజకీయ అనిశ్చితి నేపథ్యంలో ఆర్థిక వృద్ధి ప్రాముఖ్యతను ఆయన నొక్కి చెప్పారు.