యూపీలోని బృందావనంలో ఒక కోతి రూ.500 నోట్ల కట్టను పట్టుకుని కూర్చున్న వీడియో సోషల్ మీడియాలో వైరల్ అవుతోంది. నోట్లను వాసన చూసి, చింపే ప్రయత్నం చేసిన కోతి, కింద ఉన్న వ్యక్తి ఇచ్చిన ఫ్రూటీ కోసం ఆ కట్టను విసిరేసింది. ఈ వీడియోను ఇన్‌స్టాగ్రామ్‌లో షేర్ చేయగా 5.8 మిలియన్ వ్యూస్, లక్షకు పైగా లైకులు వచ్చాయి. నెటిజన్లు “కోతి ధనవంతురాలైంది.. కానీ ఒక్క ఫ్రూటీ కోసం వదిలేసింది”, “ఒక్క ఫ్రూటీకే నోట్ల కట్ట!” అంటూ కామెంట్లు చేస్తున్నారు.