తొమ్మిదో రోజుకు చేరిన ఇండిగో సంక్షోభం

ఇండిగో విమానయాన సంస్థ నిర్వహణ సంక్షోభం తొమ్మిదో రోజుకు చేరింది. మంగళవారం దేశవ్యాప్తంగా దాదాపు 300 విమాన సర్వీసులు రద్దయ్యాయి. ఢిల్లీ, ముంబై, బెంగళూరు, చెన్నై, హైదరాబాద్‌ వంటి ప్రధాన విమానాశ్రయాల్లో ఈ రద్దుల ప్రభావం ఎక్కువగా ఉంది. దీనితో వేలాది మంది ప్రయాణికులు ఎక్కడికక్కడ చిక్కుకుపోయి తీవ్ర ఇబ్బందులు ఎదుర్కొంటున్నారు. బెంగళూరు విమానాశ్రయంలో అత్యధికంగా 121 విమానాలు రద్దయ్యాయి. హైదరాబాద్‌లో 58, చెన్నైలో 41, ముంబైలో 31 విమానాలు రద్దు చేయబడ్డాయి.