వడ్డీ రేట్లు పెరిగే అవకాశం.. లోన్లపై మరింత భారం!

అక్టోబర్ 5 నుంచి 7 వరకు జరిగే ఆర్బీఐ ద్రవ్య పరపతి విధాన కమిటీ (MPC) సమావేశంలో రెపో రేటును 25 బేసిస్ పాయింట్లు పెంచి 5.50%కి చేర్చే అవకాశముందని 60% మంది ఆర్థిక నిపుణులు భావిస్తున్నారు. దేశంలో రిటైల్ ద్రవ్యోల్బణం ఆగస్టు నాటికి 4.82 శాతానికి చేరడం, అంతర్జాతీయంగా ముడి చమురు ధరలు పెరగడం, రూపాయి బలహీనపడటం వంటి కారణాలతో ఆర్బీఐపై ఒత్తిడి పెరుగుతోంది. ఈ నిర్ణయం అమలైతే పండుగల వేళ హోమ్ లోన్లు, కార్ లోన్లు, పర్సనల్ లోన్లపై బ్యాంకులు వడ్డీ రేట్లను పెంచే అవకాశం ఉంది, ఫలితంగా ఈఎంఐల భారం పెరగనుంది.