TG: పట్టుదల ఉంటే పేదరికం అడ్డుకాదని అల్లెపు మౌనిక నిరూపించారు. ములుగు జిల్లా మల్లంపల్లికి చెందిన మౌనిక తండ్రి సమ్మయ్య టైర్ పంక్చర్ షాపు నడుపుతూ కుటుంబాన్ని పోషిస్తున్నారు. కష్టపడి చదివిన మౌనిక తొలి ప్రయత్నంలోనే గ్రూప్-1కు జాబ్‌‌ను కొట్టారు. తెలుగులో పరీక్ష రాసిన ఆమె 315వ ర్యాంక్ సాధించారు. ప్రభుత్వం ప్రకటించిన ఫలితాల్లో డీఎస్పీగా ఎంపికై ఆదర్శంగా నిలిచారు.