ఇరాన్‌ వద్ద 11 అణు బాంబులకు సరిపడా యురేనియం నిల్వలు

ఇరాన్‌ వద్ద 11 అణు బాంబులకు సరిపడా యురేనియం నిల్వలు ఉన్నట్లు అమెరికా ప్రత్యేక ప్రతినిధి స్టీవ్‌ విట్కాఫ్‌ వెల్లడించారు. ఇరాన్ చర్చల బృందమే ఈ విషయాన్ని గర్వంగా వెల్లడించిందని ఆయన పేర్కొన్నారు. ప్రస్తుతం ఇరాన్ వద్ద 60 శాతం శుద్ధి చేసిన సుమారు 460 కిలోల యురేనియం నిల్వలు ఉన్నట్లు తెలిపారు. ఈ వ్యాఖ్యలు అంతర్జాతీయ వేదికలపై చర్చనీయాంశంగా మారాయి. ప్రాంతీయ భద్రతా పరిస్థితులపై ప్రపంచ దేశాలు ఆందోళన వ్యక్తం చేస్తున్నాయి.